Тура 6 айға жалғасқан науқан кезінде 1200 сотталушы босап шыққан. Екі мыңнан астам жазасын өтеушінің уақыты қысқартылды. Тағы шартты мерзімге сотталған 7 мыңға жуық адам ақталған, деп хабарлайды КТК телеарнасы.
Бірақ аса қауіпті қылмыскерлер: террорист, экстремистер мен педофилдер бұндай мемлекеттің шарапатынан құр қалғанын айта кетейік. Ал рақымшылыққа іліккендердің арасында "Экспо ісі" бойынша абақтыға қамалған атышулы Қажымұрат Үсенов бар. Миллиондап ауызбастырық алған бұрынғы Ауыл шаруашылығы вице-министрі Мүслім Өміраевқа да кешірім жасалды. Тар қапастан босап немесе жазасы қысқартылған лазауазымды шенеуніктердің саны ондап саналады. Айта кету керек, бұл елімізде жасалған 9-шы рақымшылық. Ал түрмеден шыққандардың шығынын мемлекет өз мойнына алған.
— Материалдық әлеуметтік құқықтық көмек көрсетіледі. Яғни киім-кешек, жол жүру ақысын төлейді. Медициналық көмек көрсету, — дейді ҚР ІІМ Қылмыстық атқару жүйесі комитетінің баспасөз хатшысы Аглая Тұрланова.
