Жарияланды: 530

Талдықорғанда оқ-дәрі салынған құты табылды

Талдықорғандағы 5514 әскери бөлімнің полигоны аумағында оқу-жаттығулар өткізу барысында 5,6 және 7,62 мм-лік 300 оқ пен 11 тротил дәрісі салынған құтысы бар жанармай құятын ыдыс табылды. ҚР төтенше жағдайлар жөніндегі Агенттігінен хабарлауынша, бұл жерден тағы да тротил ұнтақтары толтырылған банка табылған.

Оқ-дәріні облыстық Ішкі Істер басқармасының қызметкерлері тәркілеп алды. Бұл күні сондай-ақ, Талдықорғандағы Жетісу мемлекеттік Университетінің сауықтыру орталығында жаяу әскерге қарсы қолданылатын мина табылды. Арнаулы шаралар өткізу барысында жарылғыш заттың жауынгерлік қару емес екені белгілі болды. Минаны әскери полиция қызметкерлері тәркілеп алды.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть