Жарияланды: 410

Талдықорғанда шамамен 25 мың литр қымыз бен 14 мың литрден астам шұбат сатылды

Талдықорғанда стационарлық киіз үйлер арқылы шамамен 25 мың литр қымыз бен 14 мың литрден астам шұбат сатылды.

Алматы облысы бойынша ауылшаруашылығы департаментінің хабарлауынша, барлығы облыс орталығында осындай сауда нысандарының саны 19. Мұнда ұлттық сусындардан бөлек, етті нан, қазы, қарта мен жал-жая сынды ұлттық тағамдар сатылады. Сонымен қатар, осындай өзгеше дәмханалар арқылы 63 адам жұмыспен қамтылды. Шұбаттың бағасы 350 теңге. Қымызды шаруа қожалықтарынан 250-300 теңгеге сатып алады. Екі сусын да литрі үшін 400 теңгеден саудаланады. Бұл стационарлық киіз үй-қымызханалар алты жылдан бері жұмыс жасауда. Олар Алматы облысының бұрынғы әкімі Серік Үмбетовтың бастамасымен ашылып, қазіргі аймақ басшысы Аңсар Мұсахановтан қолдау тапты.

Пікір қалдырыңыз

Пікір қалдыру тіркелген пайдаланушылар ғана мүмкін