Талдықорғандағы ЖШС аумағында орналасқан жеке ғимаратта газ-ауа қоспасы жарылып, бір адам жарақат алды, деп хабарлайды Сaravan.kz медиа порталы Stan.kz-ке сілтеме жасап.
Жетісу облыстық төтенше жағдайлар департаментіне жарылыс туралы ақпарат 22 қазанда таңғы 05:50 шамасында келіп түскен. Талдықорған қаласы Желтоқсан көшесінде орналасқан ЖШС аумағындағы жеке нысанда газ-ауа қоспасы жарылды. Салдарынан қабырғалары құлап, 20 шаршы метр аумақ өртенді.
Жарылыстан 1982 жылы туған күзетшінің қолы мен беті күйіп қалған. Қазір оның жағдайы тұрақты.
Қазір жарылыс салдары анықталып жатыр