Жарияланды: 200

Ташкентте ШЫҰ мүше-елдері Жоғарғы сот төрағалары бас қосты

Ташкентте ШЫҰ мүше-елдері Жоғарғы сот төрағалары бас қосты

Бүгін Ташкентте ШЫҰ Жоғарғы Сот төрағаларының кеңесі басталды, деп хабарлайды «ҚазАқпарат» ХАА меншікті тілшісі.

Іс-шараға қазақстандық тараптан ҚР Жоғарғы сотының төрағағы Қайрат Мәми қатысты. Кеңес барысында ШЫҰ-ға мүше мемлекеттердің сот-құқықтық саласындағы ынтымақтастығы дамуының ахуалы мен болашағы талқыланды.

Атап айтқанда, кеңесте ШЫҰ-ға мүше мемлекеттердегі инвестициялық таластардағы заңнаманы және инвестицияларды қорғаудың институционалдық тетіктерін жетілдіру бойынша ШЫҰ-ға мүше мемлекеттердің сот-құқықтық жүйесін одан әрі реформалау шаралары, сондай-ақ азаматтық қылмыстық істер және жас ұрпақтың әртүрлі лаңкестік және радикалды құрылымдардың қызметіне тартуға қарсы тәжірибе бойынша құқықтық көмек көрсету саласындағы ШЫҰ-ға мүше елдердің өзара қарым-қатынасының тиімділігін арттыру мәселелері қаралды.

Кездесу соңында ШЫҰ-ға мүше мемлекеттердің жоғарғы сот билігі органдары ынтымақтастығының болашағы туралы бірлескен мәлімдемеге қол қою жоспарланып отыр. ШЫҰ Жоғарғы Сот төрағаларының келесі кеңесі 2018 жылы Қытайда өтпек.    


 

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть