Бұл туралы Білім және ғылым министрлігі Кәсіптік-техникалық және орташадан кейінгі білімді жетілдіру департаментінің директоры Сабыржан Мәдеев хабарлады.
«Қазір біздің алдымызда кен-металлургия, құрылыс, мұнай-химия сынды тағы да басқа спецификалық колледждерді бітірген түлектердің білімін бағалау қызметін тиісті салаларға беру міндеті тұр», — деді ол жұмадағы брифингте.
Департамент директорының айтуынша, колледж түлектерінің білімін салалық мамандар бағалайды.
«Жақын арада салалық қауымдастықтар жанында тәуелсіз бағалау орталықтары ашылады», — деді С.Мәдеев.
Ал, педагогикалық және гуманитарлық сала бойынша маман даярлайтын колледждер түлектерінің білімін бұрынғыша Республикалық ғылыми-әдістеме орталығы бағаламақ.