Жарияланды: 170

Тоқтар Әубәкіров: қазіргі жігіттерге қарағанда қыз балалары намысты, әрі батылдау

Тоқтар Әубәкіров: қазіргі жігіттерге қарағанда қыз балалары намысты, әрі батылдау

Қазақтан шыққан тұңғыш ғарышкер, Халық қаһарманы Тоқтар Әубәкіров қазіргі ел жастарына көңілі толмайтынын жеткізді.

Журналист Аман Тасығанның TalkLike жобасында қонақта болған қайраткер өзін қуантатын және өкіндіретін жайттармен бөлісті. Мұнымен қосы Тоқтар Әубәкіров кімдерді еркек деп айтуға болмайтынын, қыздарды не үшін батыр санайтыны жайында да ашып айтты.

Тоқтар ағамыз қазіргі жастардан үлгі тұтарлық ер азамат қалмағанын да айтады. Оның сөзінше, қазіргі жігіттерге қарағанда қыз балалары намысты, әрі батылдау болып келеді екен.

«Мен көп жастармен кездесемін. Мені мектептегі тазалық қуантады. Он жыл бұрын ондай емес еді. Елдің мінезі де басқаша болған. Қазіргі уақытта балаларға ақыл кірген. Мені мәдениет Отан дегенді білмейтін, болашақты дұрыс түсінбейтін бір кісілер өкіндіреді. Меніңше, Қазақстанда тұратын азаматтар, әсіресе қазақтар өз Отанын жерін, елін сүюі керек. Бірақ көп жігіттерде ондай сезім жоқ екенін көремін. Оларды тек ақша қызықтырады. Одан артық ештеңе жоқ. Қазір қыздар еркектерден артық. Қыздарға қайран қаламын. Біздің қыздардың намысы бар. Қазақ үшін өлуге дайын көп қыздар бар. Соған қатты қуанамын. Жігіттер бұған ренжи берсін, олар шалбар киюі керек. Жақсы костюм киіп алғанды еркек дей ме, еркек емес олар», - дейді ғарышкер.

Оқи отырыңыз:

Депутат жалақысы аз колледж мұғалімдерінің мәселесін қозғады

Бұл қалай? Жаңадан тағайындалған Экономика вице-министрі мектепті бітіре сала ұлттық компанияда жұмыс істеген

«Бәйтеректің» қасына қой жайған қостанайлық жазаланды

 

 

Пікір қалдырыңыз

Пікір қалдыру тіркелген пайдаланушылар ғана мүмкін