Газет о баста халық жазушылары Қалтай Мұхамеджанов пен Әбдіжәміл Нұрпейісовтің бастамасымен ашылған. Бастапқыда бір ғана параққа басылып шықса, қазірде мыңдаған данамен таралады. Басылымның әсіресе, шеттегі қазақ оқырмандары үшін маңызы зор. Өйткені, жырақтағы қандастарға ана тіліндегі жалғыз ақпарат көзі осы «Түркістан». Сол себепті де Алматыда өткен 20 жылдық мерейтойына газеттің шетелдік оқырмандары да түгел келген.
Шәмшидин Паттеев, «Түркістан» газетінің бас редакторы:
— Әрине, электронда ақпарат құралдарымен бәсекелесу өте қиын. Бірақ, дегенменде, газеттің орны қоғамда болып жатқан мәселелердің барлығын салмақты салиқалы түрде, құндылықтарды түсіндіріп байыптап айту жөнінде меніңше газеттің рөлі жоғары деп ойлаймын.