Үйіңіз үлкен болса, салықты да көп төлейсіз - Е.Досаев

Жеке мүлікке салынатын салық сол мүліктің санатына қарай көтеріледі. Бұл туралы бүгін Үкімет отырысынан кейін журналистерге сұхбат берген ҚР Экономика және бюджеттік жоспарлау министрі Ерболат Досаев мәлім етті.

«Біз мүлікке салынатын салықты екіге бөлдік. Біріншісі -150 шаршы метрден кем емес үйлер, ал екіншісі — одан төмен жылжымайтын мүлік. Бірақ 150 шаршы метрге дейін де тиісті санаттар болады. Мәселен, 30-45 шаршы метрге дейінгі баспаналардан бастап жоғары кете береді. Біздіңше, салық жекеменшікте бар жылжымайтын мүліктің көлеміне қарай төленуі тиіс. Үйіңіз үлкен болса, салықты да көп төлейсіз», — дейді Е.Досаев.