Жарияланды: 510

Үкімет мамыр айында Салық Кодексіне енгізілетін өзгертулерді ұсынады - ҚР үкімет басшысының бірінші орынбасары

Үкімет қазіргі қолданыстағы салық Кодексіне енгізілетін өзгерістер мен толықтырулар жобасын мамыр айының басында парламентке ұсынуды көздеп отыр. Бұл туралы бүгін, 24-ақпанда Астанада өткен баспасөз мәслихатында ҚР үкімет басшысының бірінші орынбасары Григорий Марченко хабарлады.

Оның айтуынша, салық заңнамасына енгізілетін өзгерістер жобаланып жатқан жаңа бағдарламаларға байланысты. Осыдай бағдарламалар қатарында Г.Марченко білім беру жүйесін дамыту тұжырымдамасын, тұрғын-үй бағдарламасын, әлеуметтік қамсыздандыру жүйесін дамыту бағдарламасын, денсаулық сақтау жүйесін жаңалау бағдарламасын, сондай-ақ, көлеңкелі экономиканы легализациялау бағдарламасын атады. Үкімет басшысының бірінші орынбасарының айтуынша, аталған барлық бағдарламалар "наурыз-сәуір айларында дайын болып, бүкілхалықтық талқылу үшін БАҚ-тарда жарияланады". "Егер парламент заңдарды жыл соңына дейін қабылдайтын болса, онда 2005-жылдың 1-қаңтарынан бастап еліміз жаңа жағдайда тіршілік ете бастайды",- деді Г.Марченко.

Пікір қалдырыңыз

Пікір қалдыру тіркелген пайдаланушылар ғана мүмкін