Жарияланды: 540

Үндістанда Қазақстан -Үндістан іскерлік кеңесінің кезекті отырысы болып өтті

Үндістан сауда-өнеркәсіптік палаталары Федерациясының шақыруымен Қазақстан Республикасы сауда-өнеркәсіптік палаталары Одағының өкілдері Үндістанға барды. Өкілдер құрамында бірқатар қазақстандық компаниялардың жетекшілері бар. Бұл туралы KZ-today тілшісіне ҚР СІМ-нің баспасөз қызметінен хабарлады.

ҚР СІМ-нің ақпаратына сәйкес, 24-ақпанда Қазақстан -Үндістан іскерлік кеңесінің кезекті отырысы өтіп, онда екі ел арасындағы сауда-экономикалық ынтымақтастық ахуалы мен оны дамыту жолдары талқыланды. Мәжіліске Үндістанның бірқатар ірі сауда-өнеркәсіптік және қаржылық компанияларының басшылары, Үндістандағы Қазақстан елшілігі мен Үндістандық БАҚ-тардың өкілдері қатысты. Мәжілісте ҚР сауда-өнеркәсіптік палаталары Одағының сыртқы экономикалық байланыстар департаментінің директоры Т.Жданова "Қазақстанның инвестициялық тартымдылығы " тақырыбында баяндама жасады. Бұл кездесу екі елдің іскертоп өкілдерінің екі жақты экономикалық байланыстарды тереңдетуге деген қызығушылығын арта түскенін көрсетіп берді. Сапар барысында еліміз өкілдерінің Үндістан өнеркәсіп конфедерациясы, "Үндістан-ТМД" сауда-өнеркәсіптік палатасы, Үндістан сауда-өнеркәсіптік палаталары қауымдастығы мен Үндістанның экспорттық ұйымдар федерациясы мүшелерімен кездесулері жоспарланған.

Пікір қалдырыңыз

Пікір қалдыру тіркелген пайдаланушылар ғана мүмкін