Испанияға ұшар алдында Н. Бордюжа » Ұжымдық қауіпсіздік шарты ұйымына мүше мемлекеттер ЕҚЫҰ-ның аумақтағы қауіпсіздікті қамтамасыз ету мәселесінде байыпты серіктес ретінде қарастыруда», — деп мәлімдеді.
«Соңғы уақытта біздер екі жақты мүдделерге сай келетін салаларынында сенімділік және ашықтыққа бағыттайтын жоғары деңгейдегі қарым-қатынастарға көштік. Біріншіден, бұл ауған есірткі тасымалына қарсы күрес. Біз сондай-ақ, Ұжымдық қауіпсіздік шарты ұйымы мен ЕҚЫҰ лаңкестікке қарсы бөлімшелерімен қатынастардың кеңейтілуіне баланысты қанағаттанып отырмыз. Талас-тартыстардың алдын алу мәселелері бойынша, екі ұйымның арасындағы қатынастардың жандануы болашақта жемісін беретін болады», — деп атап өтті бас хатшы.
Ұжымдық қауіпсіздік шарты ұйымы хатшылығының баспасөз қызметі хабарлағанындай, Н. Бордюжа ЕҚЫҰ-ның 15-ші министрлер кездесуі ұйымдардың дамуына жаңа реңк беріп, «Еуропа мен әлемдегі тұрақтылықты қамтамасыз ететін жаңа құралдардың пайда болуына септігін тигізетінін» атап өтті. Сондай-ақ, бас хатшы ұйымның құзырына кіретін барлық мәселелер бойынша ЕҚЫҰ ұйымымен етене жақын жұмыс істеуге дайын екендіктерін айтты.
Мадридтегі пленарлық отырысы алдында өткен ЕҚЫҰ мүше — мемлекеттерінің сыртқы істер министрлер кеңесінде ЕҚЫҰ министрлер кеңесінің күн тәртібі мен оның жалпы қызметі бойынша мәселе талқыланды. Сондай-ақ Н.Бордюжа мен ЕҚЫҰ бас хатшысы Марк Перрин де Бришамбомен кездесуі жоспарланды, деп хабарлайды баспасөз қызметі .
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті