Жарияланды: 610

Вагонда жарылғыш зат орнатылғаны жөніндегі ақпаратқа байланысты Қызылорда-Көкшетау поезының жолаушылары басқа жаққа көшірілді

13-ақпанда түнгі 00 сағат 12 минутта облыстық төтенше жағдайлар жөніндегі басқармасының оперативті кезекшісіне Алматының көліктегі Оңтүстік-Шығыс ІІБ-ның оперативті кезекшісінен Қызылорда -Көкшетау бағытындағы №55 жолаушы тасымалдаушы поезының №3 вагонында жарылғыш зат орнатылғандығы туралы ақпарат келіп түскен. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік ақпаратына сәйкес, бұл кезде отарба Қарағанды облысы Шет ауданы Ағадыр ауылындағы теміржол бекетінде тұрған. Поезд жолдың тұйықталымына жеткізіліп, составтан бөліп алынған №3 вагон 1500 метр қашықтыққа апарылып, қоршауға алынды. Жолаушылар теміржол бекетінің ғимаратына орналастырылып, таңертеңгі сағат 05.55-ке дейін сол жерден өткен отарбаларға отырғызылды. 05.15-те Ағадыр станциясына құрама оперативтік топ жетіп, составты тексере бастады. Тексеру шаралары 7 сағат 30 минутта аяқталып, жарылғыш зат табылмады.

Пікір қалдырыңыз

Пікір қалдыру тіркелген пайдаланушылар ғана мүмкін