Янукович Украинаның ЕО қатынасы Кеден одағына тиімді болатынын айтады

 Президент Виктор Янукович Украинаның евроықпалдастық талпыныстарын жүзеге асыру Кеден одағымен диалогқа ықпал ететініне сенімді.


           «Біздің ЕО-мен қатынасымыз Кеден одағына пайда әкеледі. Украина Ресей мен ЕО арасындағы көпір, оның мықты, әрі сенімді екеніне сенімді болу маңызды. Украина, Ресей, ЕО арасындағы сауда проблемалары жөніндегі диалог жақында мүмкін болмақ», — деп украиндық мемлекет басшысы Bloomberg агенттігімен сұхбатында мәлімдеді.
           Оның айтуынша, қазіргі кезде Келісімге қол қою жолында ешқандай кедергі болмайды деген түсінік бар.
           Дегенмен, дейді В.Янукович, украин-ресей қатынасындағы басты проблема ресей жағының энергетикалық саладағы қысымы болып табылады.
           «Біз медиада осы қауіпті және белгілі бір кемсітушілікті естіп жатамыз. Бұл ьіздің қатынасымызға көмектеспейді және Ресейге абырой әпермейді», — дейді Украина президенті.
           В.Янукович 23-25 қыркүйекте Нью-Йоркте сапармен жүр. Ол БҰҰ Бас Асссамблеясының 68-шы сессия жұмысына қатысуда.