Сахнаға 3 жылдық үзілістен кейін шыққан Бидаш "Егіз лебіз" жобасында футболшы Ұлан Қонысбаевпен өнер көрсетуде, — деп хабарлайды Caravan.kz медиа порталы.
"25 жыл жасыл алаңда футболда болған жігіт бірден сахнаға келіп, халықтың, камераның алдында жанды дауыста ән айтып, харизмасын көрсетіп, билеп, әнді абыроймен алып шыққан Ұланға, жалпы Егіз-Лебіз жобасындағы дуэтымыз, орындауымыз, образымыз, әніміз күтпеген жерден көрермен көзайымына айналды. Алдағы кезеңдерде дәл осылай шулап қолдасаңыздар шоу күте беріңіздер онда. Рақмет, достар. Біз қуаныштымыз", — деп жазды Балжан Бидаш Instagram парақшасында.
Желі қолданушылары бұл жұпқа сәттілік тілеп, Балжан Бидашты өнерге қайта оралуымен жарыса құттықтауда.
"Жаханға тиіп торға қамалған бұлбұл сияқты болып едің, ажырасқаны да жақсы болған екен", "Екеуі қуыршақ сияқты, күшті сахналық жұп шығыпты", "Ол сізге ғашық болып қалған сияқты", "Балжан, сен сахна үшін жаралғансың", "Дауысыңды естуді армандадық қой, бұлбұл құс", "Жаханның іші күйіп жатқан шығар. Шектеу қойып, тұншықтырып өмір сүргізбеу керек еді. Жарайсың, Балжан", — деп жазды олар.
