Жамбыл облысында аурухана ғимаратынан өрт шықты

Жамбыл облысы Талас ауданы Қаратау қаласында «Талас аудандық туберкулезге қарсы аурухана» ММ екіқабатты ғимаратының екінші қабатынан өрт шықты. Бұл туралы ҚР ТЖМ баспасөз қызметінен хабарлады.

Тілсіз жауды ауыздықтауға ҚР ТЖМ Жамбыл облысы ТЖД өрт сөндіру қызметінің жеке құрамынан 15 адам, 4 техника жұмылдырылды. Өрт шалған жердің аумағы 54 шаршы метрді құрады. Өрт салдарынан 2 адам құтқарылып, 36 адам көшірілді.