Ұлттық қауіпсіздік комитеті департаментінің қызметкерлері шенеунікті аудан тұрғынынан 75 мың теңге алу үстінде ұстаған. Алғашқыда мемлекеттік қызметкер оған жеке тұрғын үй құрылысы үшін жер телімін беруге уәде беріп, одан 1 мың АҚШ доллары көлемінде ақша бопсалаған.
Ұсталғанға Қазақстан Республикасының Қылмыстық кодексінің 311-бабының 4-тармағының «а» тармақшасында қарастырылған (боспалаушылық жолымен пара алу) қылмыс жасағаны үшін айып тағылуда.
Ұлттық қауіпсіздік комитеті департаментінің баспасөз қызметінің ақпараттарына сүйенсек, өткен жылы екі ауылдық округтің әкімдері осы тектес қылмыстар жасағаны үшін сотталып, екі және үш жылға бас бостандықтарынан айрылған, екінші жағдайда сотталғанға шартты жазалау шарасы қолданылған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті