Жарияланды: 230

Жамбылда бір күнде 800-ге жуық жол ережесі бұзылған

Жамбылда бір күнде 800-ге жуық жол ережесі бұзылған

Жамбыл облысында бір күнде 800-ге жуық жол ережесін бұзу фактісі анықталды.

Бұл туралы Caravan.kz медиа порталы ҚазАқпарат-қа сілтеме жасап хабарлайды.

Жүргізушілер арасында тәртіпті жақсарту, жол-көлік оқиғасының санын азайту және жол ережесін бұзудырмау мақсатында Жамбыл облысы аумағында «Қауіпсіз жол» жедел-профилактикалық іс-шарасы өтті.

Бір күнде 797 әкімшілік құқық бұзушылық анықталды.

Атап айтсақ, шара барысында 84 жүргізушіге жылдамдықты арттырғаны үшін әкімшілік хаттамалар толтырылса, мас күйінде көлікті басқарған 4 жүргізуші, бағдаршамның тыйым салынған түсіне өткен 20 жүргізуші анықталды. Сондай-ақ, көлікті құжатсыз немесе оны басқару құқығы жоқ 56 жүргізуші рөлге отырғаны үшін әкімшілік жауапкершілікке тартылды. Бұдан бөлек жаяу жүргіншілердің 80 жол ережесін бұзу дерегі анықталған.

«101 жүргізуші қауіпсіздік белдігін тақпай көлікті басқарса, 117 жүргізуші маневр жасау ережесін бұзған. Сонымен қатар, 61 жүргізуші көлікті жүргізу кезінде ұялы телефон қолданған. Қарсы жолаққа шығып кеткені үшін 2 жүргізушіге, жолда авариялық жағдай тудырған 5 жүргізушіге хаттама толтырылды. 23 автокөлік айып тұрағына қойылды», - дейді облыстық ПД Жергілікті полиция басқармасы бастығының орынбасары Жайдарбек Құттыбаев.

Пікір қалдырыңыз

Пікір қалдыру тіркелген пайдаланушылар ғана мүмкін