Журналистің азаматтық сезімін, отаншылдығы мен ар-ұжданын ешкім де жекешелендіре алмайды - мемлекет басшысы

Жолдауда мемлекет басшысы "азаматтық қоғамның барлық институттарын төрт аяғынан тік тұрғызбайынша елді гүлдендіру мүмкін емес" дей келіп, олардың арасынан бұқаралық ақпарат құралдары айрықша орын иемденетінін атап көрсетті. "Қазіргі БАҚ-тардың басым бөлігі жеке меншікте, дейтұрғанмен, журналистің азаматтық сезімін, отаншылдығын, намысы мен ар-ұжданын ешкім де жекешелендіре алмайды" ,- дейді Н.Назарбаев. Өз жолдауында мемлекет басшысы журналистердің конгресс отырысындағы бірлескен жұмыстары "кәсіби журналистік этика қағидаларын, қазақстандық журналистердің өзіндік ар-ұждан кодексін жасап шығаруға септігін тигізетініне" сенім білдірді. Елбасы Қазақстан журналистері мен форум жұмысына шығармашылық тапқырлықтар мен толайым табыс тіледі.