«Қазақстан: бейбітшілік пен жасампаздықтың 20 жылы» атты көрме ашылды.
Іс-шараны ашқан Қазақстан Республикасының Беларусь Республикасындағы Төтенше және өкілетті елшісі Анатолий Смирнов Қазақстан тәуелсіздік жылдары қалыптасудың ұзақ жолынан өткенін атап өтті.
«Егемендікті енді алған жылдары Қазақстан халқына арнаған Жолдауында Елбасы Н.Назарбаев 2030 жылы біздің ұрпақтарымыз әлемдік оқиғалардан артта қалмайтын елде өмір сүретін болады деп айтқан еді. Оның сөзіне күмәнмен қарағандар көп болды. Алайда біз 33 жылға жоспарланған мақсатқа одан да бұрын қол жеткіздік», — деп атап өтті А.Смирнов.
Сондай-ақ елші мұражай басшылығына жасалған жұмыс пен көрмені ұйымдастырудағы көмектері үшін алғыс білдірді.
