Ел тәуелсіздігінің 20 жылдығына орай аталмыш шараны жуырда құрылған Қадыр Мырза Әлі атындағы қоғамдық қор облыс әкімдігі мен «Нұр Отан» ХДП облыстық филиалының қолдауымен ұйымдастырды.
«Тәуелсіздік жолымен», «Қазақтың Қадыры» атты көрмеге фотосуретшінің қырықтан аса еңбегі қойылған. Мұнда Елбасының Жайық жұртшылығымен жүздесуі, халық жазушысы Қадыр ақынның Ақ Жайық өңіріне келген сапары, белгілі тұлғалардың Оралға келген сәтіндегі фотолар ілінген. Бұл — Рафхат Халеловтың облыс көлемінде ұйымдастырылған екінші көрмесі. Бұдан бұрынғысы «Жаңа ғасырға алтын көпір» деген тақырыппен облыстық тарихи-өлкетану мұражайында қойылған еді.
Аталмыш қордың директоры, композитор Донеділ Қажымовтың айтуынша, көп кешікпей Оралда Қадыр Мырза Әлінің мұражайы ашылмақ.
Фотокөрме 15 қыркүйекке дейін жалғасады. Ал 2 қарашада Алматыда өтетін көрмеге Р. Халеловтың 120 суреті қойылмақ.
