«Фильмнің әлемдік премьерасы 3 қазанда Нью-Йорктеөтті. Оған АҚШ мемлекеттік департаментінің, елшіліктердің, консулдықтардың өкілдері, мәдениет қайраткерлері қатысты. Сол көрсетілімде фильмді Қазақстанда 18 қазанда Астанада өтетін Дүниежүзілік рухани мәдениет форумында көрсету идеясы туындады», — деп мәлім етті кинорежиссер Е.Ялгашов бейсенбі күні баспасөз мәслихатында.
Кинематографистің айтуынша, фильмді құру идеясын қазақстандық сенатор Төлеген Мұхамеджанов ұсынған, ал картинаны фильм авторларының бірі, актер, режиссер А.Ассанте картинаны осыдан бір жыл бұрын Астанадағы рухани мәдениет форумында түсіре бастаған.
«Елдеріңіздің тарихына терең үңілген сайын, таң қала бердім. Соңғы 20 жылды зерттеп, елдеріңіздің болашаққа үлкен секіріс жасағанын көрдім. Демократия мен тәуелсіздіктің 20 жылында Қазақстан әлемде зор құрметке қол жеткізді. Мен үшін маңызды мәселелерді рухани мәдениет форумында талқылау маңызды болды», — дейді голливуд актеры және режиссеры А.Ассанте.
Е.Ялгашовтың айтуынша, фильмде сол форум мен Қазақстанның жаңа тарихынан басқа, сталиндік қуғын-сүргін жылдары, халықтарды Қазақстанға жер аудару саясаты, Семей облысындағы ядролық полигон мен Байқоңыр ғарыш айлағының тарихы көрініс тапты.
«Бұл Қазақстан, оның халқы туралы жақсы позитивті фильм. Нью-Йорктегі көрсетілімнен кейін көрермендердің кейбіреуі көздеріне жас алса, көбінде Қазақстанға келу ниеті пайда болды», — дейді Е.Ялгашов.
