«Олар енді өздерінің жаңа бейнелерін жасайтын болады. Мәселен Зарина Карменова 26 қазанда премьерасы болатын Серік Асылбекұлының «Империядағы кешінде» дебют жасап жатыр. Біздің театрдың көптеген әртістері Темірбек Жүргенов атындағы өнер академиясының 3-курсында оқып жүріп театрға араласқан еді. Биыл да бұл үрдіс өз жалғасын тауып, 3-4 жас өскін труппаға қосылып отыр», — дейді театрдың директоры және көркемдік жетекшісі Есмұқан Обаев. Оның айтуынша, өнер ұжымы биыл жыл соңына дейін өз репертуарын тағы 2 қойылыммен толықтырмақ. Олар қараша айында таныстырылымы болатын Исрайыл Сапарбайдың «Қыз мұңы» драмасы мен желтоқсан айында қайта сахналанғалы отырған М. Әуезовтың «Қилы заман» пьессасы.
