«Chrono des Nations» А. Винокуровтың велоспортқа оралғандағы бірінші жарысы екендігін атап өткен. Бұның алдында Тур де Франстың 9-шы кезеңінде спортшының оң жақ жамбас сүйегі сынған болатын.
Жекелей сындағы 48 шақырымдық бұл додада HTC — Highroad командасынан Тони Мартин бірінші жүлдеге қол жеткізді. Saxo Bank велошабандозы Густав Ларссон екінші келсе, Team Sky командасының мүшесі Алекс Даусет үздік үштікке енді.
Дәстүрлі түрде Францияның Харбьересінде өткізілетін жарыстың трассасына Қазақстандық велошабандоз 2009 жылы шығып көрген болатын. Естеріңізде болса, спорттық бабы шарықтап тұрған тұсында Винокуров сол жарыстан жеңімпаз болып оралған.
