Аталған форумға Қазақстан Республикасынан ҚР Мәдениет министрлігінің жауапты хатшысы Ж.Құрманғалиева қатысты. Отырыстың жұмыс барысында Алжир қаласында 2011 жылғы 18-19 желтоқсанда өткізілуі жоспарланған VII Мәдениет министрлерінің ислам конференциясында ұсынылатын материалдар жобалары талқыланды.
Атап айтқанда, ИСЕСКО-ның Мәдениет және коммуникациялар жөніндегі директоры Н.Риати Консультациялық кеңес мүшелерін Ұйымның Бас директорының мәдени стратегияны, ақпараттық-коммуникациялық дамуды, мәдение шаралар стратегиясын жүзеге асыруға арналған есептерімен таныстырды. Есепте ИСЕСКО-ның ислам мәдени астаналары бағдарламасын жүзеге асыру, мәдениаралық диалогты ілгерілету әрекеттеріне ерекше назар аударылды. Кеңес аталған құжаттарды жүзеге асыруды жалғастыруды ұсынды.
Ақпарат: ИСЕСКО – Білім, ғылым және мәдениет мәселелері жөніндегі ислам ұйымы (ИСЕСКО) Ислам конференциясы ұйымының арнайы мекемесі ретінде 1982 жылғы 3 мамырда құрылды. ИСЕСКО-ның бас пәтері Рабат қ. (Марокко корольдігі) орналасқан.
ИСЕСКО-ның басқарушы органдары: Бас конференция (үш жылда бір рет жиналады), Атқарушы кеңес (сессиялар жыл сайын өтеді) және аталған ұйымның хатшылығының міндеттерін орындайтын Бас директордың басқаруындағы Бас директорат. ИСЕСКО-ның барлық мүше-мемлекеттері Атқарушы кеңестің мүшелері болып табылады (50 мемлекет).
Қазақстан Республикасының ИСЕСКО-ға ресми кіруі Сыртқы істер министрлерінің 24-ші ислам конференциясында (Джакарта, 1996 ж. желтоқсан) мәлім етілді.
- $ 515.02
- € 604.22
Алматы
- РУС
- ҚАЗ
2025 Жыл
23 Желтоқсан
