«Мемлекет басшысы Универсиаданы Алматыда өткізу бастамсын қолдады, бұл VII қысқы Азиада ойындары сияқты қаланың дамуына оң қарқын береді»,- деп атап өтті Ахметжан Есімов, деп хабарлайды әкімнің баспасөз қызметі.
Сондай-ақ мәслихаттың XXXIV сессиясында Алматы қаласында сыртқы безендіруді дамытудың 2009-2014 жылдарға арналған бағдарламасы мен аукционда сатылуға ұсынылатын 13 жер телімінің тізімі бекітілді.
Сонымен қатар депутаттар Алматы метросының екінші кезеңіндегі бес стансаның атауын бірауыздан қолдап, дауыс берді. Осылайша Абай даңғылы мен Тілендиев көшесінің қиылысындағы аялдама «Сайран»; Өтеген батыр көшесінің қиылысындағы Абай даңғылында орналасатын аялдама «Мәскеу»; Абай даңғылы мен Алтынсарин даңғылындағы аялдама «Сарыарқа»; Ясауи көшесінің қиылысында орналасатын Абай даңғылындағы аялдама «Достық»; «Қалқаман-2» шаңғын ауданындағы аялдама «Қалқаман» деп аталатын болды.
