Бейсенбіде қазақстандық-американдық жұп ширек финалда өзбекстандық Денис Истомин мен ресейлік Михаил Елгинге қарсы тұрып, 6:3, 6:1 есебімен жеңіске жетті. Кукушкин мен Богомолов келесі жартылай финалдық матчта Карлос Берлок (Аргентина) пен Давид Марреро (Испания) жұбымен кездеседі.
Еске сала кетейік, Кукушкин мен Богомолов жұбы бірінші айналымда өткен жылғы турнирдің жеңімпаздары ресейлік теннисшілер Игорь Куницын және Дмитрий Турсунов дуэтін 7:5, 3:6, 10:8 есебімен ұтқан болатын.
Кремль кубогі турнирі 1990 жылдан бері Ресей астанасында дәстүрлі түрде өткізіліп келеді. Оның ақшалай жүлде қоры бүгінде 1,5 млн. АҚШ долларынан асып жығылады.
