Кеше кешкісін болған ойында астаналық команда уфалық «Салават Юлаевты» тізе бүктірді. Есепті бірінші болып алаң иелері ашқанымен «Барыс» шабуылшылары ойынның 28 минутында теңестірді. Осыдан кейінгі тартысты доданың ойын өрнегі қыза түсті. Уфалық команда қаншалықты азулы болғанымен, ойынның негізгі кезеңі 2:4 есебімен «Барыс» командасының жеңісімен аяқталды.
Сонымен қатар, астаналық хоккей командасы 4 қарашада сырт алаңда қазандық «Ақ Барс» командасымен болған кездесуді де жеңді. Осы жолы астаналық хоккейшілер тегеурінді қарсыласын 2:3 есебімен ұтты.
