«Назиб Жигановтың халықаралық шоқжұлдызы» жеке қорының жетекшісі Светлана Тенишеваның айтуынша, облыс аудандарындағы музыка мектептерінде білім алатын оқушылар арасында дарындылар аз емес. Тек оларды уақытында байқап, қабілеттерін дамыта білу керек. Осы мақсатта жоба шарасына алғашқы болып Зеленов ауданындағы №1 музыка мектебі қатысты. Концерттік бағдарламаға қазақ және татар ұлттық классикалық туындылары енгізілді. Назиб Жигановпен қатар «Абай» операсының авторлары Ахмет Жұбанов пен Латиф Хамидидің, Қапан Мусиннің әндеріне кезек берілді. Концертте сондай-ақ Нұргүл Батырғалиева, Зәмзагүл Ғаббасова, концертмейстер Надежда Глазованың жетекшілік етуімен Құрманғазының күйлері де орындалды.
