Көрмеге Д.Қонаевтың өз қаламынан туған және ол туралы өзге авторлардың жазған шығармалары қойылды. Оның ашылу салтанатына соғыс және еңбек ардагері Ыдырыс Қалиев, Қорқыт ата атындағы Қызылорда мемлекеттік университетінің профессоры, тарих ғылымдарының кандидаты Меруерт Аңсатова, білім саласының ардагері, қазақ тілі қоғамының облыстық филиалы төрағасының орынбасары Камаладин Наурызбаев қатысты. Олар ұлы қайраткердің Қазақстанның ғылымына, біліміне, мәдениетінің дамуына қосқан үлесі жайлы орамды ойларын ортаға салды.
