Аталмыш қойылым 2, 6 наурыз күндері өтеді деп белгіленген.
Ұлы суреткер М.Әуезовтің «Қилы заман» туындысы алғаш рет 1997 жылы қойылған болатын.
1916 жылғы ұлт-азаттық көтерілісінің, атап айтқанда, Қарқара көтерілісінің тарихи баянын негізге ала отырып, халыққа жасалған қиянаттың түп себебіне үңілтетін, патшаның қазақ азаматтарын қара жұмысқа алу туралы жарлығына, отаршылдық саясатқа, зорлық-зомбылыққа қарсы шыққан елдің кешегісі мен бүгінін зерделеуге бастайтын жаңа қойылымның ең басты идеясы — бостандық рухын жоғалтпау.
«Рухың жоғалса — елдігіңнің жоғалғаны. Тарих сабақтары ұмытылмауы, тарих сабақтастығы үзілмеуі керек», — делінген ведомство хабарламасында.
Сахналық нұсқа — Н.Оразалиндікі, қоюшы-режиссер — ҚР Мемлекеттік сыйлығының лауреаты Ә.Рахимов, қоюшы-суретші — Қазақстанның еңбек сіңірген қайраткері Е.Тұяқов, композиторы — ҚР еңбек сіңірген өнер қайраткері Б. Дәлденбай.
