Енді Салтанат Нүкенованың есімі ел есінде. Себебі жас қыздың өлімі қоғамға ғана емес, заңға да өзгерістер енгізді, деп хабарлайды Caravan.kz медиа порталы.
Айтбек Амангелді соңғы жарты жылда қарындасының есімін қорғап келеді. Сұқбат беріп, әлеуметтік желіде естеліктерімен бөлісіп жүр.
Айтбек Амангелді соңғы берген сұқбаттарының бірінде қарындасының балалық шағы қалай өткенін, оның қандай болғанын айтып берген еді. Екуінің арасы бес жас. Ол үлкен болғандықтан, әрқашан қамқор аға болуға тырысқан. Салтанат Нүкенованың балалық шағындағы суреттері көпшіліктің жүрегін елжіретті.
Айта кетейік, сот процесі аяқталуға жақын. Бүгін тараптардың жарыссөзі болып жатыр. Сот жарыссөзі аяқталғаннан кейін сот шешім қабылдау үшін кеңесу бөлмесіне кетеді.