Бұл туралы Caravan.kz медиа порталы Sputnik.kz-ке сілтеме жасап хабарлайды.
Ұлттық банк шілдеде бірыңғай жинақтаушы зейнетақы қорындағы ақшаның бір бөлігін шетел валютасына ауыстырып қойды.
Ұлттық банктің қазіргі мақсаты – зейнетақы активтеріндегі шетелдік валютаның үлесін ұзақ мерзімді кезеңде кемінде 40% деңгейінде ұстап тұру.
«Осы мақсатта банк шілде айында биржа сауда-саттығында шетел валютасын сатып алды, оның жалпы сомасы 35 млн АҚШ долларын немесе жалпы сауда-саттық көлемінің шамамен 0,6%-ын құрады. Қазіргі бағам бойынша БЖЗҚ-да шетелдік валюта үлесі 40%-дан асып тұр, соған байланысты тамыз айында БЖЗҚ зейнетақы активтері есебінен валюта сатып алу жоспарланып отырған жоқ», — делінген банк мәлімдемесінде.
Айта кетері, БЖЗҚ қаражатына ұлттық банк жауапты. 1 шілдедегі жағдай бойынша зейнетақы жинағының жалпы көлемі 24 трлн теңгеден асты.
