Алматы облысында еліміздегі ең ірі жеміс-жидек кешендерінің құрылысы аяқталды, деп хабарлайды Caravan.kz медиа порталы.
Жобаның инвесторы «FRUIT ART» ЖШС. Компания жоғары технологиялы кәсіпорын құруға 50 млрд теңге жұмсаған. Жоспар бойынша жыл сайын 15 мың тоннаға дейін өнім өндіруге мүмкіндік береді.
Жоба қазірдің өзінде жоспарланған технологиялық қуатқа шықты. Өндірістік желілер жеміс пен жидектердің дәмін, түсін және пайдалы қасиеттерін сақтауға мүмкіндік беретін жедел терең мұздатуға арналған озық жабдықтармен жарақталған. Өнімдерді сақтау үшін жалпы сыйымдылығы 3 мың тонна болатын кең қоймалар, сондай-ақ атмосфераны заманауи бақылау жүйесі бар көлемі 15 мың тонна фруктоқойма қарастырылған.
Кәсіпорын құрылымында ерекше орын алатын нысан жыл бойы құлпынай өсіретін, аумағы бес гектардан асатын жылыжай кешені. Инновациялық агротехнологиялар кез келген маусымда тұрақты өнім алуға мүмкіндік беріп, ішкі нарықты да, экспортқа арналған жаңа піскен жидек жеткізуді де қамтамасыз етеді.
Кешеннің өніміне шетелдік серіктестер қазірдің өзінде қызығушылық танытып отыр. Экспорт географиясы Еуропалық Одақтың жетекші нарықтарын, Азияны және ТМД елдерін қамтиды. Жоғары сапа мен заманауи қаптама қазақстандық өнімді халықаралық деңгейде бәсекеге қабілетті етеді.
Бұл кешеннің іске қосылуы өңір экономикасы үшін стратегиялық маңызға ие:
• Экономикалық әсері: жаңа жұмыс орындарын ашу, ауылшаруашылық өнімдерін қайта өңдеуді дамыту, салық түсімдерінің артуы.
• Экспорттық әлеует: Қазақстанның жаһандық жеміс-жидек нарығындағы үлесін кеңейту.
• Технологиялық прогресс: өнім шығынын барынша азайтуға мүмкіндік беретін заманауи мұздату және сақтау әдістерін енгізу.
«FRUIT ART» жобасы – жай ғана өндіріс алаңы емес, өсіру, қайта өңдеу, сақтау және экспортты бір орталықта тоғыстыратын интеграцияланған агроөнеркәсіптік кластер. Бұл ірі инвестиция мен инновация агробизнестің жаңа деңгейін қалай қалыптастыратынының жарқын мысалы.
Алматы облысы заманауи өндіріс қана емес, сонымен қатар логистикадан бастап ауыл шаруашылығы машина жасауға дейінгі байланысты салаларды дамытуға серпін алды.
