Бұл туралы ол «Время» газетіне берген сұхбатында айтты, — деп хабарлайды Caravan.kz медиа порталы.
«Бұл әйел мені шабыттандырып, таңғалдыруын жалғастыруда»
Олжас Абай Дариға Бадықовамен қалай танысқаны туралы айтып берді.
«Актерлер ретінде біз 2018 жылы «Класстастар» фильміне бірге түстік. Ол кезде көп уақыт өтпеген еді. Ал жақынырақ танысқанымыз кейінірек, Таиландта, «Хотя бы в кино-2» түсірілімінде болды, сол кезде осы фильмнің продюсері топтағы ең үздік бес әртісті шақырған еді: Қайрат Әділгерей, Шерхан Пірназар, Қарлығаш Мұхамеджанова, Дариға Бадықкова және мен. Бірақ танысудың басы жанжалды болды. Дариға түсірілім алаңында актерлік шеберлігімен бәрімізді оңды-солды жайпап кетіп жатты, оның техникасы мен мәтіні мүлде басқа болды. Ол өз жұмысын 100 пайызға орындайтын және серіктестерін бағындыруды жақсы көретін. Мен не болып жатқанын түсінбедім: ол мәтінге сәйкес сөйлеген жоқ, рөлін дұрыс орындамайды, мені басып тастады. Режиссерге барып: «Бұл әйел кім? Онымен қалай ойнауым керек, ойнауым керек пе?» дедім. Сонда режиссер: «Иә, ол осындай, бірақ сен қосылуың керек және неге қабілетті екеніңді көрсетуің керек», — деді. Мен өзімді жинап, барлық дағдыларымды, тәжірибемді қосып, барымды салдым. Міне, жанжалдан кейін біз бір-бірімізге қызығушылық таныта бастадық, ал 2022 жылдан бастап бірге жұмыс істейміз. Сол кезде ол менің де жақсы актер екенімді мойындады. Біз әңгімелесіп, достық қарым-қатынас басталды, химия пайда болды. Ол бірден өз басында сценарий бар екенін айтты. Бұл «Таптым-ау сені» болатын, және біз Қазақстанға келгеннен кейін сол жобамен жұмыс істеуді бастадық. Сол кезде мен жай ғана актер болып жұмыс істеп жүрдім. Біз өзіміз де күтпеген едік, бұл біздің киноөндірісімізде осындай феномен болып шықты. Кейін екінші бөлім шықты, содан кейін үшінші жоба – «Ыстық ұя» фильмі. Ал міне, төртінші – «Таптым-ау сені-3», 26 наурызда прокатқа шығады. Біз төрт жыл бойы бірге табанды еңбек етіп келе жатырмыз, әрі тоқтайтын түріміз жоқ! Бұл әйел мені шабыттандырды және әлі де шабыттандырып, таңғалдыруын жалғастыруда.
Актер сондай-ақ, «Дариға Бадықованың бұрынғы күйеуінен тартып алды» дегендерге де жауап берді.
«Барлығы мені әйелін тартып алды, отбасын бұзды» деп жазды. тіпті Даригамен бірге болу үшін әйеліммен ажырасқан сияқты көрсетті. Шын мәнінде, мен ажырасқанымна 8 жыл болды, ал Дариға менің қасымда ешқандай байланыста болған жоқ. Мен осы қақтығысты тоқтатып, жеккөрушілікті аяқтағым келді. Сондықтан шын жүректен «бізде мұндай ой да болған емес» деп жаздым. Алғашқы екі жылда біз болашақта бірге жұмыс істейміз бе, жоқ па, соны да білмедік», — деді актер.