Бұл туралы Caravan.kz медиа порталы Sputnik.kz-ке сілтеме жасап хабарлайды.
Еуразиялық экономикалық комиссия (ЕЭК) кеңесі ЕАЭО елдеріне жеткізілетін ірі қара мал етінің кейбір түрлеріне импорттық баж салығынан босату түріндегі тарифтік жеңілдік берді.
Бұл жеңілдік мына жеткізу көлемдеріне қолданылады:
Армения үшін – 7,5 мың тоннаға дейін;
Беларусь үшін – 7,5 мың тоннаға дейін;
Қазақстан үшін – 5 мың тоннаға дейін;
Қырғызстан үшін – 5 мың тоннаға дейін;
Ресей үшін – 1 мың тоннаға дейін.
«Қабылданған кедендік тарифтік реттеу шарасы ет өңдеу өнеркәсібін қолдайтын теңгерімді шешім болып табылады. Сонымен қатар ол ішкі сиыр еті нарығына теріс әсер етпейді немесе сиыр еті шаруашылығындағы инвестициялық жобаларды жүзеге асыру үшін қосымша қауіпке әкелмейді», — деді Еуразиялық экономикалық комиссияның сауда министрі Андрей Слепнев.
Ол алдыңғы кезеңде тиісті тарифтік ынталандыруларды қолдану халық үшін ет өнімдерінің қолжетімділігін қамтамасыз еткенін және тұтыну бағасының өсу қарқынын тежегенін айтты.
ЕЭК елдеріндегі ет тапшылығына келетін болсақ, ол Латын Америкасы елдері мен Үндістаннан жеткізілімдермен өтеліп жатыр, деп хабарлады ЕЭК.
Кедендік баж салығы туралы шешім ресми жарияланған күнінен бастап 10 күнтізбелік күннен кейін күшіне енеді және 2026 жылдың 1 қаңтарынан бастап туындайтын құқықтық қатынастарға қолданылады.