Бұл туралы Caravan.kz медиа порталы хабарлайды.
Өнер иесі әлеуметтік желідегі парақшасында бала кезінде ата-анасының екі жаққа кеткенін айтып, арада ондаған жыл өткен соң әкесімен қайта қауышқанын айтты.
“Менің өмірім сіздердің көз алдарыңызда өтіп жатыр. 4-5 жасар бала күнімде ата-анам екі жаққа кетті. Мұны “артық драма” дерсіз, бәлкім. Бірақ арада 40 жыл өткенде, мен әкеммен қайта қауыштым. Сол сәтте ғана екі қанатым түгелденіп, жүрегім толыққандай күй кештім”, – деп жазды Айгүл Иманбаева.
Сондай-ақ әнші ата-анасымен арада өкпе-реніші бар адамдарды кеш болмай тұрғанда татуласуға шақырды.
“Егер сіздің де басыңызда осындай өкініш пен өкпе болса, менің тағдырым сізге сабақ болсыншы. Кеш болмай тұрғанда, ата-анаңыздың көзінің тірісінде жүректегі өкпені жіберіп, кешіріңіз. Кешірім сұрап та үлгеріңіз. Себебі шынайы кешірім, адамға шексіз бақыт пен жан тыныштығын сыйлайды”, – деді әнші.