Оған биыл Қазақстан, Қырғызстан, Тәжікстан, Түрікменстан, Өзбекстан және Ресей елдерінің 150-ге жуық қолөнершісі қатысуда.
«Қолөнер өз атауында тұрғандай тұрмыс пен шаруашылық саласындағы қажеттілікті қамтамасыз ететін өнердің бір саласы. Қазіргі таңда қолөнер бұйымдарына деген сұраныс жоғары. «Бақыт» сәндік-қолданбалы өнер орталығымен бірлесіп өткізген бұл шараның мақсаты — қолөнер туындыларын тамашалап қана қоймай, ұнаған бұйымды сатып алуға мүмкіндік туғызу», — дейді ҚР Мемлекеттік орталық мұражайы директорының менеджмент және маркетинг жөніндегі орынбасары Бибігүл Дандықараева.
Оның айтуынша, көктем мерекесі қарсаңында өтіп отырған көрме-жәрмеңке 2 күнге созылады. Онда тері, киіз, жібек, ағаш, металл, қыш пен тастардан жасалған киім-кешектер, әшекей бұйымдар, ыдыстар, саз аспаптары мен кәдесыйлар ұсынылып отыр.
