"Үндестік сабақтары" фильмі Швейцарияда кинофестивальде жеңіске жетті

"Қазақфильм" киностудиясының режиссер Әмір Байғазин түсірген "Үндестік сабақтары" фильмі Швейцарияда халықаралық Bildrausch Film Fest Basel 3-ші кинофестивалінде бас жүлдеге ие болды, деп хабарлады "Қазқафильмнің" баспасөз қызметінен.

«Биыл Bildrausch-де бірдей екі фильм жеңімпаз болды. Бұл қазақстандық «Үндестік сабақтары» және голландиялық –немістік «Жан-жақта тыныштық» деп аталатын режиссер Нанук Леопольдтің фильмі», делінген сейсенбіде киностудияның сайтында берілген хабарламада.

Жеңімпаздарға 3 мың швейцарлық франк көлемінде ақшалай сыйақы және Bildrausch фестивалінің рәміздері- киношеберлік сақиналар табыс етілді, делінген онда.
Bildrausch фестивалінің конкурсына тұтас алғанда 12 фильм қатысқан.