«Қан мен тер» («Blood and Sweat») және «Соңғы парыз» («Final respects») романдарының ағылшын тіліндегі нұсқаларының тұсаукесері болды.
Кеңес Одағы кезінде «Қан мен тер» трилогиясы әлемнің 34 тіліне аударылғанымен, ағылшын тілді оқырманға енді ғана жол тартып отыр. Мамырдың соңында Вашингтон мен Нью-Йоркта тұсаукесері өткен қос роман «Алтын қыран» қайырымдылық қорының демеушілігімен нью-йорктық «Либерти» баспасында шығарылды.
Шараға кітаптардың авторы Әбдіжәміл Нұрпейісовтің өзі және ММУ профессоры, жазушының досы Николай Анастасьев, АҚШ елшісінің атташесі, басқа да елшілік өкілдері мен қазақ әдебиетінің майталмандары қатысты.
