Әйел ұрлап, "жеңгетайларға" сатқан Қостанай облысының тұрғыны қамауға алынды

Қостанай облысында Аман-Қарағай елдімекенінде 22 жастағы жергілікті тұрғын ұсталды, ол биыл сәуір айында Көкшетаудан 29 жастағы келіншекті ұрлап, пәтерде заңсыз ұстап отырған, деп хабарлады республиканың ІІМ баспасөз қызметінен.


           Сәрсенбіде таралған ақпаратқа қарағанда, ол әйелді жезөкшелік жолына салу үшін Астанаға 30 мың теңгеге сатқан.
           Оған қатысты республиканың Қылмыстық кодексінің 126 бабы (бас бостандығынан заңсыз айыру) бойынша қылмыстық іс қозғалды.Бұлтарпау шарасы ретінде қамауға алу шарасы белгіленді.Тергеу жүргізілуде.