Ақмола облысының Жолымбет ауылында «Қазақалтын» АҚ «Рудник Жолымбет» филиалының «Центральная» шахтасында 21 тамыз күні кешке бұрғылау кезінде 11 метр биіктіктен құлаған екі үңгіші ауруханаға жатқызылды.
Оңтүстік Қазақстан облысының Жетісай қаласында 22 тамыз күні «Барыс-Құрылыс» ЖШС қазу жұмыстарын жүргізу кезінде топырақ опырылып құлаған. Оның салдарынан 36 жастағы жұмысшы оқиға орнында мерт болды, төрт жұмысшы ауруханаға жеткізілді. ТЖ орнына ҚР ТЖМ Оңтүстік Қазақстан облысы ТЖД өрт сөндіру қызметі жеке құрамының 3 маманы мен 1 техникасы шықты.