Ол дереу тәртіп сақшыларына хабар беріп, тастанды бөбек қалалық перинаталдық орталыққа жеткізілді. Айы-күні жетіліп туылған ұл баланың кіндігі сымтемірмен буылған екен. Өлім мен өмір арасындағы нәрестенің жағдайы дәрігерлер көмегінен кейін бері қараған. Көкек ана да көп ұзамай табылды. Жас келіншек неліктен мұндай қадамға барғанын түсіндіре алмапты. Оның ата-анасы да қыздарының жүктілігінен хабарсыз боп шыққан. Ал 23 жастағы әйелдің 4 жасқа толған тағы бір баласы бар екен. Қазір оған қатысты қылмыстық іс қозғау мәселесі қарастырылуда.