Ақтөбеде темір жол вокзалында 2,5 мыңнан астам адам жедел эвакуацияланды

Дүйсенбі күні тәртіп сақшылары мен саперлер Ақтөбе қаласының темір жол вокзалынан жарылғыш зат іздеді.


           Вокзалға бомба қойылды деген ақпар жергілікті уақыт бойынша таңғы сағат 9:42-де келіп түскен, деп хабарлайды облыстық ІІД баспасөз қызметінен.
           Шамамен 2 мың 500 адамды қауіпсіз жерге көшіргеннен кейін саперлер жарылғыш затты іздеуге кірісті.
           «Жарылғыш зат табылған жоқ. Таңғы сағат он бір жарымнан бастап вокзал қалыпты жағдайда жұмыс істей бастады», — дейді баспасөз қызметіндегілер.
           Қазір тәртіп сақшылары жалған хабар таратып, жұртты дүрліктірген адамды іздестіріп жатыр.