Комиссия мүшелері шекарашы Челахқа рақымшылық жасаудан бас тартты

15 адамды өлтірді деп айыпталып, өмір бойы бас бостандығынан айырылған шекарашы Челахтың рақымшылық жасау туралы өтініші қанағаттандырылған жоқ. Бұл туралы оның адвокаты Серік Сәрсенов хабарлады.

Оның айтуынша, рақымшылық жөніндегі комиссия мүшелерінің бірі В.Челахқа тағайындалған үкімді 25 жыл бас бостандығынан айыру жазасына ауыстыруды ұсынған болатын. Комиссияның қалған мүшелері бұл ұсынысты қолдамады.