«Домалақ арыздар қаралмайды! Бұл туралы қашанғы айтам? Өздері шағым жазып, өздері тексеруге келеді. Осылайша бұл бізді Қазақстанда кейбір тексеруші ұйымдарды таратуға апарары хақ», — деп президент бүгін Астанада Индустрияландыру картасының инвестициялық жобаларын таныстыруға арналған жалпыұлттық телекөпір барысында атап көрсетті.
«Барлық жетістіктерге қарамастан, бүгін жер алу үшін, құрылыс жүргізу үшін, аяқтан тозып қаншама жерге бару керек. Тексерумен тұншықтырды! Бұл туралы қашанғы айта беремін?! Барлық министрліктер бүгін тексеруден көз ашпайды. Олар қайдан шығып жатыр? Бізде есеп палатасы бар, оның міндеті күнде келіп тексеру емес, аудит жүргізу», — дейді президент.