Түні бойы тыншымаған үскірік жел өрт сөндірушілерді біршама әбігерге салған көрінеді. Қызыл жалынды ауыздықтауға жеке құрамнан жиырма үш адам жұмылып, жеті техника тартылған. Бірақ калың түтін көпке дейін көз аштырмай, қаңтарылып тұрған алты шағын автобус түгі қалмай жанып кеткен. Ал жалынмен жалғыз алысқан күзетшінің өзін күйік шалып, ауруханаға түсіпті. Қазір ол жансақтау бөлімінде жатыр.