Құрал-жабдық құнын, құлқыны кең шенді қағаз жүзінде көтеріп, 600 млн теңгені туысының атындағы жеке компанияның шотына аударыпты. Кейін жеке серіктестік спорт кешенін жабдықтауға қатысты тендерді жеңіп алған екен. Сөйтіп, компанияға 1 млрд 400 млн теңге аударылған. Мусин сол қаржының 600 млн-ын ақшалай аударып алып, қалтасына басқан. Шенді сот санкциясымен қамауға алынып, 4 күннен бері тергеу изоляторында жатыр. VII қысқы Азияда ойындарына қатысты алғашқы былық емес. Былтыр Азиаданың Алматы дирекциясын басқарған Сұлтанбек Сыздықов эстрада жұлдыздарының концертіне бөлінген 23 млн теңгені жеп ұсталған болатын.