Өскеменнен Семейге қарай қатынаған мына машина көктайғақта жолдан шығып қалған. Темірді толтыра тиегендіктен өз күшімен көтеріле алмай, құтқарушыларды шақырыпты. Жан-жағын қардан аршып, ауыр техниканың арқасында ғана оны әупірімдеп алып шықты. Семейдің өзінде де, жағдай мәз емес. Күн бір жылып, бір суығаннан көшелерді мұз басқан. Қар еріп, оның үстіне жаңбыр суы қосылып, жүргізушілерді әбден әбігерге салуда. Кей жерлерде судың тереңдігі тізеден келеді. Айта кететіні, жақында күн қайта суытады деген болжам бар.