Бұл туралы бүгiн ҚР Президентi жанындағы Орталық коммуникациялар қызметiнiң ресми өкiлi Алтай Әбибуллаев мәлiм еттi.
"Президент баспасөз қызметiнiң мәлiметтерiне сәйкес, Нидерланды Премьер-министрi Марк Рюттенiң шақыруымен 23-25 наурызда Мемлекет басшысы Нұрсұлтан Назарбаев Гаагада өтетiн ядролық қауiпсiздiк жөнiндегі саммитке қатысады. Сапар барысында ҚР Президентiнің Нидерланды Королi Виллем Александрмен және Премьер-министрi Марк Рюттемен кездесуi, сонымен қатар "Шелл" және "Филлипс" трансұлттық компанияларының жетекшiлерiмен екiжақты кездесуi өтедi деп жоспарлануда", — деп атап өттi ол брифингте.
Кездесулердiң қорытындылары бойынша, саясат, экономика, технология, ғарыш, қоршаған ортаны қорғау, ауыл шаруашылығы, бiлiм салаларында екiжақты келiсiмдерге қол қойылады.